香港隊勁揪！感謝香港隊！WEAREHONGKONG!

平時唔睇波的你，或者唔識睇波的你，今晚，香港人的夢，在旺角大球場。感謝香港隊，你們奮戰到底，我們見證了夢！

今場世界盃亞洲區外圍賽，港隊主場以0比0與中國賽和，最終成功在對手身上搶得1分。完場後，大部份球迷亦不願離去，而一眾港隊球員，亦向看台向球迷致謝，場面感人。成個fb都俾「香港人勁揪！」洗版……but，香港藝人的微博、fbpage，以至ig，呢場球場，好像從來未發生過。那些在中共閱兵上貼致敬相片的藝人，集體噤聲，只談風花雪月。

咁當然都有例外，先有李珊珊，佢喺微博寫道:「這麼多年的成績及貢獻，Kimsir金判坤(港隊教練)為香港足球的付出，他是最值得及應該授予大紫荊勳章表揚。感謝Kimsir，感謝拼盡最後一刻的球員們。」方才珊珊再於微博「溫馨提示」道:「各位男士們，網路上洩憤的渠道很多，請稍移玉步到相關討論區，這裡是女生（女球迷）的微博，沒可能破解什麼球證受賄亂七八糟的問題，亦不能滿足任何的提問、需要及回覆。謝謝。」原來有難纏的強國網民留言批評KimSir，又指港隊只係好運乜乜乜，最後珊珊可能有感於講道理都講對方唔明，惟有請走。

黃秋生就寫道:「港隊好波，和氣收塲。如何將小朋友訓練成永遠的loser,就係當佢失敗或成績唔理想嘅時候閙佢恥辱。國家隊，咪理嗰啲人，其實你哋今晚都好精彩。努力！」

人妻黃婉曼就去咗現場支持，佢喺facebook話：「香港隊的龍門隊長YappHungFai真是太神奇了！還有在場邊企足全場，極度肉緊的金教練KimPan-gon，很欽佩他的熱情！」

譚詠麟都有貼圖，話今晚同溫拿一齊睇波撐港隊，Avis陳偉成去埋旺角睇波之餘，仲喺igupload片，片中球迷向鄭智喊道:「鄭智，xxxx！」就連「燈神」大埔LuLu，都冒住生命危險，貼圖撐港隊：「勁呀！！！半場0:0，香港超好波！」王宗堯都有去睇波。

至於阿倫喺微博貼完「為香港隊打氣！」呢句之後，大陸網民嘅反應呢，大部份都係嗰啲啦…「你們先是噓國歌，接到噓球員！還擺出香港不是中國的橫幅！你們就這個x樣？祖宗都不認了？」又鬧裁判又盛，又話咩「拿著大陸這麼多的優惠政策，賺著大陸人的錢，背後又他媽的罵大陸？」有啲連港獨都拉埋嚟講。乜嘢都混為一談，典型五毛特色。

呵欠。也難怪香港藝人唔敢講……