金秀賢同全智賢今日空降北京出席三星手機派對，等咗咁耐，終於都現身啦！全女神今日著咗條金色嘅連身裙，上面有華麗嘅雕花，再配襯金色嘅耳環，個look帶點中國色彩得嚟，而且好高貴大方，靚絕！

因為海難嘅關係，全女神都只係面帶淡淡微笑，一出場佢就用普通話同中國粉絲打招呼：「你好，很高興跟大家見面。」現場亦都有人提起沉船事件。

全智賢話自己依家已經轉晒用品牌嘅家品，真係識賣口乖，之後亦有送記念品俾粉絲。被粉絲問到佢嘅keepfit秘方，全智賢就話自己好鍾意做運動，特別係游水。哦，原來係咁，貪靚粉絲學到嘢啦。