馬詩慧(Janet)今晚拖住囡囡王曼喜（Kayla)出席模特兒公司春茗，早前Kayla被影到同洋妞kiss嘅相，之後Janet被問到有關問題都撐「行」個女，今晚都唔例外。

Kayla在場首先多謝媽咪咁大方，話佢好似救佢一命咁，問佢以後會唔會避忌啲，Kayla話都會，但又冇辦法，話當時好驚訝，因為唔覺得自己咁有新聞價值。咁問佢係咪同該位外籍女生拍拖，佢就話唔係，仍然同之前講嘅一樣，話係「凍」，所以先kiss。

此時媽媽Janet出口撐:「個個讀書都係咁o架啦，我同佢(Kayla)都有錫。」咁講到係咪接受個女斷背，佢話:「最緊要係鍾意，無分男女。」問Kayla對嗰個女係咪有好感，佢就話有啲。