韓國前女團2NE1成員朴春，早年被指涉毒而令演藝事業陷入谷底，而朴春早前就透露將會推出新歌回歸，令唔少粉絲都好期待。

不過朴春出道以來個樣變化好大，所以成日都陷入整容疑雲，日前佢更新Twitter，公開自己聽緊音樂嘅短片，又留言要減肥，但唔少網民都留言話佢個樣好嚇人，懷疑佢又再整容，而噚晚朴春就喺Instagram上載佢參與「冰桶挑戰」嘅片段，希望大眾關注漸凍人症嘅「肌萎縮性脊髓側索硬化症」(ALS)病人。

朴春喺片段中穿上背心上陣，由於佢身形比之前胖咗唔少，所以穿上背心嘅朴春就顯得上圍好豐滿，有逼爆嘅危機，而佢挑戰完畢後就即點名舊隊友Sandara、以及女星洪秀賢同埋女模李素拉接棒接受挑戰。

更多韓流，喺晒《娛果》
http://fb.com/appledailyent

。