36歲黃子恆前年介入裕美同林恩浩嘅婚姻（新聞連結： https://bit.ly/2zLzx1T ），洗底兩年半，以為終於冇事，點知近日又被大陸女fans指控，話兩人發生咗兩次肉體關係後，懷上黃子恆嘅骨肉。

黃子恆接受傳媒訪問時，坦言曾經與該名女fans發生過關係，不過佢堅稱只係一次，且有做足安全措施，故堅決否認對方懷孕同佢有關，稱半年冇返大陸，表示唔介意驗DNA或查佢出入境紀錄，黃子恆噚晚喺TVB出席盆菜宴，就話過會修心養性。

事件糾纏多日，點知今日有最近發展，有報道指已經懷孕18周嘅大陸女fans決定今日喺廣州做墮胎手術，對於黃子恆稱可以驗DNA，女fans稱手上有證據證明邊個經手，但擔心事件繼續發酵最終受害嘅只會係自己。女fans話今日做手術會有朋友陪同，而手術費由胞兄處理好，暫時未有經濟問題。至於疑似女fans嘅微博，於事件爆出後已大量刪去相片及影片，只留下一條約7秒自拍短片，片中女子穿上背心高炒自拍，並禁止他人留言。

《蘋果》今日再嘗試聯絡黃子恆，不過電話暫時未能接通。

精選娛聞，喺晒《娛果》
http://fb.com/appledailyent