由於國際賽養草關係，故今日（2日）田戰以泥地為主，舉行七泥三草賽事，草地用C加3欄作賽。度地儀指數2.70，草地掛牌為好地。今日將不會進行壓地。

睇番上季國際賽前一次田戰草地賽亦是用C加3欄，當日三場草地賽，分別有「飛霸龍」及「旺蝦王」快放勝出，不過尾場三班1400米卻由「鑽飾飛龍」後上掄元，提防臨場形勢會逆轉。

今戰草地賽列陣馬中，第十場「承你所願」兩戰田草C加3欄非冠即亞，本身跑法機動，擺前或後上都得，憑出色窄場性能可望贏馬補中。

泥地方面，硬度計指數10.63，場地掛牌為好地。上季同日早段場次皆由守前三位入直路之馬匹建功，如「勇冠多」及「都靈明珠」擺前帶到。

這天第七場「勇冠多」上季正是在國際賽前放頭贏馬，有機會重溫好夢。