憑飾演金庸筆下老頑童周伯通而廣為人認識的秦煌，上周六晚（12日）與數名友人到長洲遊玩後準備返港途中，疑因酒醉差錯腳而失足墮海受傷，事發後即由直升機送往東區醫院急救，連日來秦煌都在東區醫院留醫，日前更由深切治療部轉到內科病房，昨日好友羅樂林和李家聲先後到醫院探望。

身穿便服的秦煌在李家聲和羅樂林的陪同下，在病房內的休息室接受記者的訪問，只見坐在椅子上的秦煌精神不錯，而且中氣十足，他更不避忌地向記者展示他後腦上的傷痕，而除了頭上縫了7針的傷痕外，他的左手手踭位亦明顯有瘀痕。
秦煌說：「後腦個傷痕會喺22號就拆線，至於手嘅瘀痕就應該係當日拉扯時撞到，而醫生話我應該19號下晝就可以出院，我亦預計會喺31日復工。」

當提到身邊不乏朋友的關心及支持時，秦煌更感觸三度流淚，搭住兩位好友多謝他們的支持，他亦說：「見到大家關心同問候好感動，今次好好彩，只係皮外傷，亦都冇腦積水，最大問題只係check到我血糖唔夠高，而且雙腳仲有水腫，𠵱家要等腳消腫，今次事件係一個警惕，總之唔好貪平飲太多酒，你（指李家聲）以後唔好隊我呀。」
而秦煌透露他只記得受傷前正踏上跳板，之後就一片空白了，到他醒來時已經在醫院，這期間就相隔了十多小時，他還講笑表示當初以為長洲竟然有這麼大間的醫院，他更自嘲說：「放心，我一定會做好戲畀你哋睇，不過唔係跳海個啲，我知有好多朋友關心我，就連移咗民都嚟睇我，公司都有送果籃嚟，總之自己冇乜事，多謝關心。」
採訪、攝影：卓寶花