【未雨綢謬】基迪拉見拜仁總監 係傾掛靴後打算?
德甲拜仁慕尼黑德國漢尼斯基迪拉祖雲達
依家效力緊祖雲達斯嘅德國國腳基迪拉,同祖記嘅合約將會係2019年嘅夏天到期。而係噚日,拜仁慕尼黑嘅總監漢尼斯就承認,佢曾經同基迪拉私下見過面。不過,並唔係因為轉會,呢位30歲嘅德國中場,竟然係傾掛靴後有咩打算喎。
漢尼斯表示,今次嘅見面係由基迪拉嘅經理人提出,佢地就係上個禮拜三有一次半個鐘嘅見面,「基迪拉想睇下,究竟係退休之後可以有咩打算,甚或會唔會未來有機會加入拜仁嘅教練團隊,所以我就同佢傾左半個鐘。」不過,拜仁嘅體育總監沙里咸美錫就否認同基迪拉有見過面,仲話記者同佢講佢先知有呢件事。
其實,基迪拉先30歲,即使2019年完合約都只係32歲,都唔算大年紀,咁快就為退休作打算,應該話佢未雨綢謬定未老先衰呢?
-------------------
狂賀!BFB系列推出5周年,精彩活動為您安排,立即登入速享專屬優惠! http://bit.ly/2xrTKGM