今次引入的二手牛全屬日本牛王,例如Abahouse、Beams、SugarCane、Acoustic等。日本牛牌向來在設計上不斷改良玩新花臣,布料又考究,Evisu、DryBones等就係最佳例子。古着舖老闆Denise引入呢批二手牛,就係睇中本地日牌二手牛少之又少,夠晒Gimmick。「呢批二手日牛的售價同全新的差不多,二手牛會唔會升值,其實好視乎色水靚唔靚,係唔係名牌牛,Deadstock或有明星着過,升值嘅機會會高好多。」當中一條Abahouse二手牛由於顏色同貓鬚位靚,比同款全新牛貴二百多港元。今次入貨唔算多,只得30條,Size由腰圍29吋至36吋,以直身或鬆身Cutting款式佔多,啱男仔古着Fans多啲。