【半夜驚魂】吳國敬仆親整傷左手拇指 做手術縫5針痛歸心
蘋果日報 2020/03/13 17:57
吳國敬左手拇指
吳國敬昨晚半夜傷左手拇指，入院做手術縫5針，十指痛歸心，他今日接受《蘋果》電話訪問，他重提昨晚受傷經過時說：「我噚晚坐的士回家，走去的士站時，自己唔小心仆親，咁啱我左手拎住手機，冇手撐住，我一跌就左手拇指插咗落地，手又傷咗流血，返屋企變去咗醫院急症室，因為傷口幾深，醫生先同我洗傷口，再連咗5針。」阿敬無妄之災，手傷疼痛，他今日都留在家休息。
阿敬表示後日會如期出席派口罩活動，他續說：「我買咗2000個口罩，夾埋朋友都捐咗一啲搓手液同福袋，準備捐畀中西區啲老人家，我呢兩日唞吓就可以出動。」
手傷縫5針。
傷口好深。
左手拇指受傷。
阿敬昨晚仆親傷手指要入急症室。