天意示警，突然大暴雨，重吹起一陣怪風，新界西北，有人目睹，一股龍捲風，平地而起，簡直有如妖魅！
香港嘅天象，近年來有蒼天講嘢嘅訊息，以下事件，記憶猶新：一、「回歸」前夕，大陸某地贈送「回歸寶鼎」一隻，運輸時跌崩一隻腳，跟住香港「回歸」之後，經濟果然崩潰！
二、一九九七年農曆新年，花車巡遊，當場撞死英國女遊客一名，跟住廢董上台，果然清除前「港英」留下嘅制度，一概當係地雷，結果死嘅唔係外籍女遊客，而係香港！
三、一九九七年七月一日午夜，主權移交，解放軍入城之際，雷風暴雨、烏天黑地，收尾香港變成點，人人有眼見！
四、今年年初四林村許願樹，掛到成身「寶牒」，結果「虛」不受「寶」，成棵倒塌！冇幾耐之後，廢董應聲落台！