英國正式脫歐，點止passport轉色咁簡單，從前揸住英國護照在歐盟成員國直出直入的日子，恐怕要說再見。英國政府剛剛公告最新旅遊指引，列出幾項英國公民到歐盟國、瑞士、挪威、冰島、列支敦士登和愛爾蘭入境時的注意事項，由2021年1月開始生效，準備移民英國的不妨睇睇。

1 護照有效期最少6個月

由2021年1月開始，想用英國護照入境歐盟成員國，護照有效期一定要有至少6個月；入境愛爾蘭則不用，護照只須於逗留期間有效即可。

2 護照簽發日須在10年內

入境時，護照必須在過去10年內簽發，若然是10年都無用過的「雪藏passport」，必須續領新護照才可入境歐盟。英政府也提提大家，因應武漢肺炎關係，申請續領或需更長時間，如非緊急，請暫時不要續領passport住。

3 不再有醫療保障

英國人從前擁有「歐洲醫療保險免費卡」(EHIC)，可以超低價，甚至免費享用歐洲的公營醫療服務，不論個別卡上的有效日期為何，此卡已鐵定將於2020年12月失效，歐遊時，記得購買包埋醫療保障的旅遊保。另外須留意EHIC包括「已存在疾病」，不過保險公司一般不會對「已存在疾病」受保，選購時請睇多啲。

4 與寵物同行 提前4個月書面申請

從前的Pet Passport方案，寵物幾乎可以同主人一樣，自出自入歐盟國。自2021年開始，貓、狗和雪貂必須植入微晶片，接種瘋狗症疫苗並在接種後30日取得血液樣本，再經歐盟許可的化驗所確認通過測試，最後等候3個月，才可正式與寵物同遊歐洲大陸，前前後後需時4個月。

5 旅客或須出示回程機票 公幹讀書需簽證

持英國護照去歐盟國，出入境和過海關時冇得再使用歐盟通道，停留期也由無限期變成每6個月可停留90天，更要有心理準備，隨時要出示回程機票、資產證明方能入境！至於公幹、工作和讀書，也要額外申請簽證，條款視乎每個國家而定。

暫時未知駕駛執照、電話網絡漫遊等會否有改動，詳情留意日後公布。

撰文：黎明絲

編輯：吳允、鄒仲安

【港人大遷徙 陳思銘教你點入英國頂尖學校】FAN享會

日期：2020年8月2日（星期日）

時間：網上講座3pm-4:30pm；小組諮詢時間4:30pm-5:30pm*

收費：每位＄250（附送ATOM LEARNING免費試用一個月）

截止報名日期：2020年8月1日（星期六）下午11時59分*小組咨詢環節成功報名後另設登記方式，名額75位，先到先得。

報名：【立即報名】拿BNO準備去移民？陳思銘教你點揀英國好校網FAN享會

-----------------------------

10個移英港人分享 住宿、揾工、生活開支

《移英·宜居？》一書睇盡居英苦與樂

-----------------------------

英倫生活交流平台 ‧ 移民英國資訊共享

立即加入「逃走他鄉互助會─逃走英國」

-----------------------------

打國際線 《蘋果》英文版免費試睇 按此了解更多

英文版已登錄新版《蘋果》App按此下載/更新