「叫我MingWai哥哥」，劉鳴煒喺今晚呢集ViuTV節目《晚吹》咁樣同五位8至10歲嘅小朋友自我介紹。主持黃奕晨同劉鳴煒「熱身」時，問劉鳴煒點睇自己被港女選為「男神」？劉鳴煒即謂:「唔好玩我啦!我係由12個女仔選出嚟，冇咩代表性嘅!」

咁，689票？

呢五個小豆釘，包括繁忙兒童合唱團嘅劉小華，佢哋狙擊劉鳴煒嘅問題其實係幾尖銳嘅。頭先介紹過嘅10歲小朋友Alvin劈頭就問劉鳴煒有冇為自己之前講嘅「睇少場戲去少次日本就可以月儲3,000蚊買樓」之言感後悔？劉鳴煒就答佢:「冇後悔。買樓就係要儲錢，儲錢就係要做少啲嘢(指消費)。如果真係想買樓就要做呢啲。我唔可以叫人食少啲著少0架嘛!」Alvin一句突破盲腸:「咁如果你咁講，即係你每次去日本使成百幾萬？」劉鳴煒估唔到佢有此一著，扁嘴諗咗一諗:「去日本玩唔使咁貴，係唔可能係3,000蚊咁平，每個人，無論你係慳儉定有錢都好，你嘅使費係你自己負責嘅。應使則使應慳則慳。」事後劉鳴煒都讚Alvin牙尖嘴利同發問有point。