【估下係邊個？】藝人貼珍貴童年相 矇眼嘟嘴勁可愛
蘋果日報 2017/06/19 11:09
鍾嘉欣黎姿陳敏之
雖然父親節過咗一日，但唔少藝人依舊趁機會，向自己嘅摯親表達謝意。亦因為咁，我哋就有機會見到唔少藝人喺童年嘅珍貴照片。
好似近年做咗人妻生女嘅黎姿，就貼咗幾張童年同爸爸嘅合照。黎姿仲撰寫長文回憶細個爸爸對佢嘅關愛。出名大眼嘅黎姿，喺其中一張BB相中，反而變成矇眼同嘟嘴，兩個面豬登勁厚肉。呢個階段嘅佢，都仲未見到靚媽黎姿嘅雛型，但童年時代嘅佢，開始長得似濃眉大眼嘅爸爸。
至於同樣做咗媽咪嘅鍾嘉欣同長腿敏之，亦有放爸爸同自己嘅童年照，而敏之就留言話：「親愛的Daddy，十分掛念您！您在天家好嗎？今年多了一位成員同您慶祝，您的孫兒子樂。我們永遠愛您！Daddy...父親節快樂！」
黎姿爸爸黎柱後生時好靚仔。
黎姿童年時開始有爸爸雛型。
兩父女到o依家都好好感情。
呢位眼仔都係矇矇嘅就係鍾嘉欣。
鍾嘉欣囡囡同媽咪細個個樣，有少少唔同。
呢位小妹妹就係長腿敏之嘅童年。