山景邨業主香小姐表示：「屋邨交通方便，去屯門站幾分鐘就到，去市區都方便，買嘢都幾好。係第一批買家，當時買入價十幾萬，反正要交租，不如買啦，著數啲，供十年供甩咗。」對於有合資格人士沒有購入公屋，她回應：「見仁見智，有啲人嫌舊。」

山景邨租戶謝小姐表示：「屋邨設施不足，街市得一兩檔，食貴餸。落新墟買一餐等於屋邨街市兩餐餸，10蚊三斤菜心，呢度10蚊一斤，無辦法，租貴。」她本身住面積最大，可間3房的單位，售價40多萬元，惟不想買，她解釋：「屋邨好多地方要維修，好似升降機維修費動輒千萬元，屋邨超過30年樓齡，大維修夾起上來，我哋小市民，唔係大富大貴搵好多錢，若人人要夾錢萬萬聲，街坊肯唔肯？呢度老人邨泥㗎啦！管理又權責不清，保安又亂放人入大廈，對面單位欠人大耳窿，自己單位被人亂咁貼欠債單張。」

記者：陳家雄

蘋果財經，關心你飯碗
http://fb.com/appledailyatm