太古城中心外昨晚（3日）發生流血衝突，有狂徒持刀施襲造成至少5人受傷，當區區議員、民主動力召集人趙家賢更被咬甩耳朵。一夜過後，《蘋果》重返案發現場，商店櫥窗和牆上仍見血迹斑斑，地上階磚亦有染血痕迹。警方昨晚於太茂路曾發射至少兩枚催淚彈，附近屋苑今早亦派人洗地，封鎖行人路和花槽位置，有清潔工指，上司吩咐需清洗催淚彈殘餘物。

街坊李先生指，對昨夜發生一事感到震驚，「已經唔係政見問題，係個社會氣氛令人覺得，原來咁少嘅事都會搞到咁大⋯⋯可能下次我攞住張報紙睇，有人政見唔同，又會發生口角」，憂慮社會已不可容忍異見，令市民互相敵視，「心理狀態成日都好燥，好唔正常」，對自身安全感到恐慌。他今途經太古城中心，對一切如常運作感到荒謬，「好似今日抗爭完，第二日又冇事照常返工，等星期六日又再來過」。

他說過往曾積極參與遊行示威活動，但多宗街頭衝突或令他顧忌不敢表態，「企喺條街度，都唔知（警方）幾時係『反對』、幾時係『不反對』，突然又話要趕你走」，現在即使留在商場内亦未必安全，因對商場保安和警方執法已失去信心，面對街頭襲擊只可靠自己，「和理非都要出聲」，私了原則是盡公民責任制服兇徒，而非報復心態出發。

於太古城中心工作的袁先生昨晚下班後亦趕到案發現場支援，幫忙為傷者止血。他批評兇徒行徑過份，持刀並有預謀地襲擊市民。但他説，不會因此放棄言論自由和表態，「呢樣嘢正正係年輕人今日爭取緊，我哋都係做返應該做嘅事，唔擔心，行得正企得正」。他昨日亦目擊警察衝入商場後，幾乎零距離向街坊噴胡椒噴霧，對此感到慨憤，「當香港嘅公僕都會用私刑，作為市民保護返自己係合情合理合法」。

居於太古城5年的楊先生指，昨晚不敢出街，尤其家中有小孩，選擇留在家中看新聞直播。他指不抗拒於區內進行和平集會活動，但絕不認同暴力行為。對於昨夜衝突事件，他表示不感到意外，「係遲早嘅事啦，大家咁對立，差在自己遇唔遇到啫」，商場保安和警察都應為流血事件負上責任。他認為，如再有同類事件，商場應提早關閉，「唔好搞咁多嘢啦，又阻唔到警察入來，又阻唔到人示威，好無奈」。

在太古城中心內，昨有部份示威者針對北京樓等美心食肆噴漆抗議，店舖外牆貼上便利貼已全部被清走，有職員以垃圾膠袋遮蓋抗議字句。該店經理黃先生表示，抗議對昨日生意額影響輕微，「冇乜破壞啫，噴下漆」，今日會如常營業。

-----------------------------
2019區選專頁
光復香港 11.24踢走共產黨
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》中文版
《自由之夏 Summer for Freedom》中英對照版