韓國女神全智賢同「長腿Oppa」李敏鎬主演嘅SBS新劇《藍海傳說》今晚播出第十集，承接上一集李敏鎬飾演嘅天才騙子許俊在主動咀完全智賢飾演嘅美人魚沈清後，就發現古代嘅金聃齡留咗一幅畫像畀自己，而呢幅畫個人像就同李敏鎬一模一樣。

金聃齡喺畫像中留下說話畀李敏鎬，要佢守護住全智賢。申惠善見到畫像同李敏鎬一模一樣大感驚訝，李敏鎬就死口話唔似自己，亦要求唔好有其他人見到那一幅畫。

李敏鎬遲咗回家令全智賢勁嬲，話屋企有門禁，唔可以咁夜返，又死睥住李敏鎬，好鬼搞笑。李敏鎬話自己發夢時見過全智賢救自己，全智賢就話唔知道，唔肯講太多，不過李敏鎬就不斷喺腦海中閃過古代嘅影像。

李敏鎬原本同李熙俊傾計，李熙俊對全智賢身份感到好奇，又話全智賢當珍珠唔當一回事，加上李敏鎬認識咗全智賢之後想做好人，令李熙俊擔心李敏鎬會離開自己。

全智賢出咗去夾公仔，遇到知佢心意嘅小妹妹，小妹妹陪佢一齊夾公仔。李敏鎬喺屋企見唔到全智賢好鬼擔心，點知全智賢帶住小妹妹一齊返屋企。

小妹妹話逃學出來，話自己好似隱形一樣，冇人理自己，因為自己不一樣，令大家都討厭自己，全智賢喺心裡想自己都不一樣，難道李敏鎬亦會討厭自己，小妹妹竟然講出全智賢心底話，令全智賢即拉住小妹妹入房中講秘密，要小妹妹答應唔好將佢心底話講出來。

李敏鎬探完南部長，南部長老婆告知李敏鎬曾經同佢母親聯絡。李敏鎬返屋企，教全智賢飲酒，全智賢飲到半醉話自己唔係人，話自己係人.....，差啲爆出自己係美人魚嘅秘密，點知飲咗多杯後，最後李敏鎬醉到發酒瘋，猛叫全智賢唔好走，又打電話畀全智賢，鬧全智賢唔接自己電話，要全智賢待在自己身邊，之後走過去攬實全智賢，又話：「那怕我哋不一樣，我都唔會離開你。」令全智賢勁冧，亦希望一切唔好係謊言。

騙子三人組嘅李熙俊打算騙文素利，文素利以為李敏鎬等勁有錢，於是想邀請李敏鎬等人到佢屋企食飯，但原來李敏鎬嘅親生母親羅映姬就喺文素利屋企做家佣。當李敏鎬食到蛋卷時就發現同媽媽住嘅味道好似，不過喺屋內佢同母親都係緣慳一面。

李敏鎬等人得知文素利係申惠善嘅嫂子，於是急急腳走人。而全智賢對李敏鎬工作有所懷疑，問佢係唔係騙子，全智賢喺心中向李敏鎬坦白自己係人魚，怕講出真相會令李敏鎬離開自己，李敏鎬亦似聽到全智賢嘅心聲，問李熙俊聽唔聽到全智賢嘅聲音。

李敏鎬發現全智賢又唔係房內，即時走出去搵全智賢，邊跑邊喺腦海見到古代同現代嘅影像，不斷喺腦中不斷重現，包括古代同喺西班牙同全智賢相處嘅經歷，所有嘅記憶李敏鎬都記得起，所有人魚嘅記憶，包括古代嘅一切回憶。