【東家唔打…】離大台繼續搵食 詹秉熙轉行賺錢養家
詹秉熙
詹秉熙話晒一出道(1984年)就可以夥拍張曼玉主演《畫出彩虹》,點計都係重點人才,可惜發展不如預期,星運更係……不過,詹秉熙並未氣餒,過檔去友台亞視繼續明星夢,雖然入息比喺大台時好啲,但星運都係不濟,結果佢過去大馬再搵機會,今次啲收入好好多,有近亞視薪酬兩倍咁滯。
到1992年,詹秉熙有感自己已經用咗8年時間喺娛樂發展,加上當時已經3字頭嘅佢有感自己年紀唔輕,唔想再嘥時間,唯有轉行做二手車買賣。
雖然一度離開娛圈,但詹秉熙嘅明星夢並未完,佢喺1995年重返過大台,到1998年又再一次過檔到亞視,可惜1999年年底佢約滿亞視,盛傳因是非而不獲續約,當時佢好豪氣向傳媒表示,自己大把後路,而且有做開生意,唔愁衣食。
講係咁講,詹秉熙嘅演藝路雖然唔平坦,但keep住有得行,佢之後久唔久會有劇拍,亞視、港視嘅都有,好似前年港視嘅《選戰》、《導火新聞線》同《火蝴蝶》都可以搵到詹秉熙嘅演出。另外,佢亦有幫啲美容中心拍廣告,可能因為係唔係啲大型連鎖式公司,變成唔係幾起眼嗰種,但係真係有佢做代言人。
詹秉熙有感自己年紀唔輕,唔想再嘥時間,唯有轉行做二手車買賣。(資料圖片)
雖然一度離開娛圈,但詹秉熙嘅明星夢並未完。(《火蝴蝶》劇照)