【好靚女喎】苗僑偉阿仔接女友見家長 一支茅台夠唔夠飲?
苗僑偉三哥茅台女朋友見家長
三哥苗僑偉今日59歲牛一,咁啱又係父親節,喺灣仔開party慶祝特別開心。呢晚好多朋友都有嚟,鄧智偉、高海寧、樂易玲同兩個仔、曾志偉都嚟到佢慶祝。有咩方法可以開心啲?答案係,見下阿仔女朋友囉。
樂易玲約喺10點半左右送咗兩位囝囝返屋企,然後又上番去繼續開party。轉過頭,就到三哥阿仔苗俊落嚟,佢唔係準備離開,原來係接一位少女上去!問到佢係咪接女朋友?三哥阿仔冇答,只係搭住女友人條腰,笑住護送女友人入電梯。
女友人仲拎住個紙袋,上面大大隻字寫住茅台,唔知呢份係父親節禮物定生日禮物呢?
約於11點半左右,吳卓羲、馬德鐘夫婦、張兆輝夫婦、高海寧同Shin陸續離開。
10點45點三哥仔仔苗俊落嚟接女友人上去開party,係咪見家長呀?