【趁低吸納】
樓價大跌，名人趁勢撈底。尖沙嘴九龍站近期頻頻劈出血，其中天璽更有單位勁蝕逾1,000萬元，成九龍站近年罕見大額蝕讓，原來低價入貨的買家，正是身家最少50億元的太子珠寶鐘錶主席鄧鉅明家族。
天璽日鑽璽高層C室，實用991方呎，今年2月傳出易手，賣方勁蝕逾1,000萬元，買家身份亦終曝光。土地註冊處資料顯示，單位成交價3,250萬元，賣方2013年6月以3,786萬元買入，連同釐印費及佣金，及10%額外印花稅（SSD）稅項，共蝕近1,100萬元，買家是今年26歲、太子珠寶鐘錶主席鄧鉅明的次子鄧亦棋。

鄧鉅明：兒子首次置業

鄧鉅明向本報證實，其兒子計劃今年結婚，趁樓價跌入市自用，並屬首次置業。他強調物業是兒子靠自己努力買的，但父親「會幫啲」，但不是完全幫，幫多少就不方便透露。
樓市前景被看淡，名人卻趁跌市執平貨。鄧鉅明直言，「真係平吖嘛，七十幾樓，全海景，間隔好靚，打橫一隻蟹咁，個海景好似隻蟹，我諗係天璽最靚間隔」。他又指今次不算撈底，他買樓不一定要撈底。「樓市開始跌，點知跌幾耐，冇一個最平的態度，最平就是看建築費幾錢，嗰啲就叫最平」。