十三歲的阿紅,無論外形和思想,都較同齡的小朋友成熟。談到來港後的感受,她一臉認真地說︰「等咗咁多年,𠵱家終於可以同媽媽、細佬、細妹一齊生活,梗係開心啦,不過,見到媽媽因為我嚟咗香港,擔心唔夠錢用而唔開心,我又好唔開心囉。」
父病逝後靠綜援
阿紅在港的父親兩年前因鼻咽癌去世,當時她的母親及弟妹已相繼獲批單程證來港生活,惟獨阿紅的申請卻遲遲未獲辦理,年紀小小的她,只好寄居親友家中,默默忍受着骨肉分離之苦。
「我都知難為咗阿紅,不過我何嘗唔係咁痛苦,我成日擔心個女喺大陸冇人理,又驚佢俾人蝦,幾乎晚晚都冇覺好瞓。」說起兩母女的苦況,阿紅的母親張女士不禁兩眼泛紅。
直至去年聖誕節,即是阿紅生日當天,她苦候多時的單程證終於批出,一圓其闔家團聚的心願。「呢份真係我咁大個女收到最好嘅生日禮物。」
可是,歡欣過後,他們卻要面對惱人的經濟問題。事實上,自從丈夫過身後,張女士便與兩名七歲及十一歲的子女靠着綜援金生活,經濟本已十分拮据,長女阿紅來港後,令貧困的生活更雪上加霜。
張女士慨歎︰「平日我哋三母子份綜援,已經好繃繃緊,要好慳先過到日子,𠵱家多埋阿紅,真係搞唔掂。」由於阿紅來港未足一年,未符合申領綜援的資格,在經濟緊絀的情況下,張女士近月要靠借貸度日。