當年今日
關於我們

【韓流】《皇后的品格》劇組疑超時工作 工會欲起訴SBS電視台

蘋果日報 2018/12/18 19:05

皇后的品格崔振赫張娜拉

韓國女星張娜拉及崔振赫主演嘅SBS劇集《皇后的品格》噚日爆出是非,有報道指劇組人員要超時工作、連續拍攝近30小時,引起外界關注。(相關新聞連結: https://bit.ly/2LlMuUC )
《皇后的品格》劇組工作人員所屬嘅希望聯合工會,今早喺首爾僱傭勞動廳舉行記者會,表示有意就《皇后的品格》嘅不合理工時,起訴SBS電視台及《皇后的品格》嘅製作公司SM Life Design,並要求改善工作環境。
工會發言人指:「工作人員每次最少連續工作21小時,甚至會超時工作,但任何人都無法喺現場提出抗議,工會將以此為基礎,起訴SBS及製作公司。」協助事件嘅律師亦指:「我哋翻查過《皇后的品格》嘅拍攝日誌,日誌中顯示劇集嘅拍攝日程逐漸增加,11月最開始係連續拍6日,休息一日,之後又連續拍攝9日,拍攝工作相當緊湊,長達20小時以上嘅長期拍攝接連不斷。如果僱傭勞動廳得知情況後仍保持沉默,無疑係瀆職行為。僱傭勞動部必須通過嚴格嘅勞動監督,杜絕類似嘅超時工作。」
根據工會公開嘅拍攝日誌,《皇后的品格》由10月10號上午4點半開始拍攝,直到翌日早上10點先結束,連續進行咗29小時30分鐘嘅拍攝工作,而10月17號至23號就進行咗117小時嘅拍攝工作,11月21號至30號更係冇休息日連續10日進行拍攝,超時工作情況嚴重。
對於被指控超時工作,SBS方面反駁稱劇組人員曾連續工作咗21小時38分鐘,不過當中包括交通及休息時間,工作人員有足夠時間休息,同時每人可以得到4萬韓圜(約280港元)嘅交通津貼。

精選韓流,喺晒《娛果》
http://fb.com/appledailyent
empty
工會今早到首爾僱傭勞動廳舉行記者會