賀賢上季曾遇低潮，遲遲才能贏夠16Win達標，今季成績則見反彈，早在4月已贏夠數上岸，目前已有26Win在手。

季尾此廐冷門馬頻有表現，加上最近田草1400米成績好，下周一（7月1日）「順意寶」可留意。

賀賢上季一度出現頭馬荒，在季尾才發力急起直追，5月之後狂掃11Win，埋單贏20場。

今季賀賢發展順利得多，在4月下旬已憑「福多寶」取得季內第16場頭馬，達到馬會的最低要求。

可是馬房攻勢並未因此而放緩，而且部署同上季一樣，季尾繼續發動攻勢，由5月至今已經取得十場頭馬，今季餘下的賽事，必須吼實呢個馬房。

翻查賀賢今季頭馬記錄，有七匹頭馬的賠率超過10倍，包括最近爆冷贏馬的「威力名城」（37倍）、「轉數高」（17倍）和「勤德兼備」（19倍）。

除此之外，近期上名的「八卦」、「八進」、「依斯堅」及「快樂魔王」，都是季內從未入三甲，而賠率超過15倍的冷門分子。所以，近績就算平凡的賀廐馬，亦不能過份輕視。

今戰（7月1日）第十場三班1200米，「順意寶」兩歲時在澳洲只跑過四場，曾於悉尼玫瑰崗馬場勝出十萬澳元賽事，來港編第三班絕不吃虧，潛力肯定仲未用盡。

「順意寶」上季來港後亦贏過一場谷草1200米，今季出賽次數少，2月賽後發現氣管多血，因此相隔了三個月才再跑。

「順意寶」前仗復出跑田草1200米輸六個半馬位，上場再跑同程後上不及，只輸四又四分三馬位，跑了兩場熱身，狀態拾級而上，目前評分比上季贏馬時低一分。

今次增程跑1400米更啱追，潘明輝近期搏殺手風順，呢匹冷門吼得過。

-----------------------------
7月4日起 《蘋果動新聞》只限升級壹會員閱覽
繼續撐蘋果！