許志安與吳雨霏（Kary）昨日在新城出席「清純音樂會」記者會，安仔和Kary首度同台演出，異口同聲表示不介意跳辣身舞，安仔說：「唔使備案，上台表演要放啲豪出去，不過我驚佢俾人打。」雖然安仔聲稱會豁出去，講到底線，他說：「咁好似何韻詩同Eason（陳奕迅）咁咀梗係唔得，除咗睇醫生叫我伸脷，否則我都唔會。」莫非脷只是為女友鄭秀文（Sammi）才伸？他笑說：「嘩，咁似歌詞，脷為你而伸，嘴為你而張。」

有指安仔和Sammi買傢俬築巢愛，安仔說：「唔係，佢之前住地方細，同居係唔得，因為信仰問題。嗰日我放假，佢話買嘢俾人撞到，幾時真係築愛巢，真係唔知。」Kary表示男友不會干預她的工作，不過她同樣不能接受激吻演出。
採訪：楊潔雯
攝影：陳順禎