「紫天椒」嘉兒莫蕊茲（ChloeMoretz）曾經同碧咸（DavidBeckham）大仔Brooklyn傳出緋聞，近日佢就同球星尼馬（Neymar）扯上關係，二人除咗拍頭貼頭短片之餘，又被爆喺網上傳情，繼而傳出關係親密。

早幾日，嘉兒同尼馬公開咗一條合拍嘅短片，兩個人頭貼頭大擺V字手勢，估計片段係佢哋身處巴黎時所拍所影，惹來外界揣測佢哋係咪搭上咗。有網民仲發現嘉兒主演嘅《第五天劫》（TheFifthWave）上映時，佢都喺Twittertag尼馬，推介對方睇呢部戲，似乎兩人早已喺網上傳情。

翻睇嘉兒早年嘅留言，佢曾經喺2014年留言寫過「尼馬好可愛」，「不，唔係我嘅尼馬」之類嘅說話，估計嘉兒一早已經係尼馬fans。