【新增動新聞】

俗語有云唔怕生壞命最怕改壞名，因為改錯名隨時會俾人笑一世。秘魯一位14歲足球小將就俾佢老竇大整蠱，全因佢嗰名改到幾乎同恐怖大亨拉登（Osama bin Laden）一樣，而佢嗰名亦都係叫拉登（Osama Vinladen），只不過係英文串法有啲唔同。

「秘魯拉登」喺2003年出世，依家踢緊秘魯甲組聯賽哥梅里卡奧聯盟（Union Comercio）嘅青年軍。對於呢嗰名嘅由來，「秘魯拉登」都話唔清楚，因為佢老竇始終都唔話嗰真相佢知。呢個名亦令「秘魯拉登」喺學校入面俾人欺凌，佢話：「我覺得好唔開心，但喺我依家已經開始適應。我成日都問老竇點解，但係佢一直迴避問題。」