英超聖誕快車開波，身為眾多香港魔粉至愛之曼聯，禮拜日就會作客熱刺，雖然紅魔連勝走勢，早在上個禮拜對維拉時已經斷纜，但魔粉最高興當然係法卡奧有波入，連同尹佩斯、朗尼兩位狀態唔錯球員，「天使」迪馬利亞又傷癒復出，紅魔四大天王歸位，真係隨時等食「刺」。英超賽會亦好識排賽期，將呢場大戰放禮拜日早場，等魔粉唔使捱眼瞓，最好當然係愛隊贏波，迎戰2015年來臨啦！