佔中三子之一嘅陳健民放監之際,囚牢內仍困住唔少因抗暴運動而被囚嘅手足。觀塘區議員梁凱晴噚日迎接完陳健民出獄,繼而踏入專門囚禁21歲以下男性嘅高度設防監獄「壁屋懲教所」。原來今次係梁凱晴第一次探手足,佢喺Facebook留言,話心情難免緊張,而今次佢更邀請到眾志黃之鋒成為佢嘅「一天議助」,安排咗佢第一次嘅公務探訪。
呢次約兩個多小時嘅探訪,梁凱晴感受好深,充份感受到少年手足在囚時面對嘅困境,強調係法治、政權上嘅不公義,驅使呢班年輕人義無反顧走出來;縱使唔能夠同「蒙面義士」走在最前嘅街頭戰線,但佢話自己而家有咗另一重身份角色,可以用區議員身份開拓能力所及嘅戰線,重申真正嘅「和勇不分」,應該係相信各自可以喺不同戰線努力。
盛傳今年底立法會選舉,梁凱晴會係空降九東嘅黃之鋒Plan B,唔知兩人稍後會唔會更多機會拍住上?
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
【撐學生】
召集有心人 撐學生全年睇《蘋果》
立即按此