灣仔會展今晚有三千個座位採用移動「升降台」，獲唔少拳迷大讚。籃球界人氣女神方詠琳，同三位朋友第一次入場撐星如，佢哋坐係山頂位，但都樂在其中！琳琳話：「我有啲好似坐係山頂嘅感覺，但有兩個大電視都ok。」琳琳兩位朋友係喺星如訓練嘅DEF拳館練拳，佢哋話：「星如係香港第一個職業拳手，佢開始時，大家都覺得冇可能，但佢相信自己可以做到，然後好努力去做，打到呢刻第21場，好欣賞佢這方面。」曾去DEF練過一次拳嘅琳琳話：「好欣賞星如嚟自香港，連贏咁多場好犀利，所以嚟支持。」

另外，兩位中五生Marco同Crystal，今次係第二次嚟會展撐星如，佢哋話比上場同價嘅$380蚊位好：「今次好好多，上次因為同擂台水平線，俾前面好多人遮住。」Crystal仲好熱血話撐星如：「香港人撐香港！」Marco仲話諗緊要唔要學星如一樣，學打拳。