著名女歌手歐陽菲菲嘅16歲姪女歐陽娜娜，年前以台灣「星二代」身份出道旋即走紅，更同房祖名傳出緋聞成為新聞人物。

歐陽娜娜從6歲開始學大提琴，12歲於台北國家音樂廳表演，其父係台灣大提琴演奏家兼演員歐陽龍，媽媽傅娟都係資深女星，令歐陽娜娜被封為台灣「國民妹妹」。2015年，歐陽娜娜已進軍日本，最近推出相隔年半嘅全新專輯《Cello Loves Disney》，重新演繹多支迪士尼名曲，當中《阿拉丁》（Aladdin）嘅主題曲《A Whole New World》就會邊以提琴伴奏邊同成龍合唱！

歐陽娜娜同63歲嘅成龍真係好鬼有緣，唔止曾與房祖名傳出緋聞，仲喺年底新片《機器之血》中與成龍扮演父女，今次仲做埋音樂上嘅拍檔，認真係親上加親。