劉嘉玲、昔日四虎將劉德華、苗僑偉、湯鎮業和黃日華等，前晚到尖沙嘴出席恩師劉芳剛的追思會。嘉玲憶述亡師的生平事時，激動得哭成淚人。

曾任無綫藝員訓練班總監的劉芳剛早前在溫哥華病逝，前晚他的學生在尖沙嘴香港童軍中心為他舉行追思會，劉嘉玲、劉德華、苗僑偉與戚美珍、黃日華、湯鎮業、廖啟智、陳敏兒和陳美琪等均有出席。

「佢聲音好有力」
吳麗珠擔任司儀，譚玉瑛負責述說劉芳剛的生平，會上播放劉芳剛的片段，眾學生一臉哀慟，其後華仔、陳美琪及嘉玲等憶述與劉芳剛的相處軼事。
嘉玲邊說邊哭成淚人，她說：「劉老師如同我爸爸一樣，我有乜開心唔開心，無論工作、私人嘅嘢，都會同佢講。每次聽到呢位老師嘅聲音，就好有力量，我從來冇覺得佢離開過我，佢只係過咗河嘅對面，過唔返嚟，只有我過到去。」
其後嘉玲心情平復接受訪問，又再眼紅紅說：「今年三月老師返香港，我同偉仔同佢食飯，走時見佢好凍，偉仔除咗件冷衫畀佢，佢返到酒店打畀我，問點畀番件衫偉仔，我話送畀佢，佢就好開心話有件梁朝偉冷衫。我最想同老師講我好愛佢，佢去咗第二個地方依然都會好錫我。」提到接連有很多位幕後強人去世，嘉玲說：「呢個就係人生。」
華仔則說：「之前張之亮要過溫哥華幫老師住老人院，等佢有好啲嘅設施同環境，我叫張之亮同我問候老師，點知去到已經趕唔切。」

華仔緊記教誨
事後華仔說：「我讀訓練班時佢做校長，佢教嘅都係精英，佢退休嗰期嘅學生就有梁朝偉。我有幸受佢所教，佢係好厲害嘅人物，佢唔單止教我哋演戲，重教埋點處理演藝生涯，佢重好愛學生㖭。」
採訪：何永寧　攝影：葉君海