中午12時25分，九龍灣啟業邨啟祥樓一個單位起火。現場所見，單位陷入火海，濃煙直升半空，多人報案。

警方及消防員趕到協助疏散及救火，火警於18分鐘後救熄，面積約6米乘4米，一名婆婆疑吸入濃煙不適送院。起火單位位於8樓，外牆嚴重熏黑，窗框亦燒至甩脫「吊吊揈」，警員封鎖受影響範圍，約50名居民在樓下暫避。

住在8樓的居民吳先生稱，事發時發現毗鄰起火單位大門虛掩，單位內無人，廚房爐頭位置起火冒煙，他立即叫鄰居協助關掉走廊的煤氣總掣，「我叫隔離鄰舍幫手閂煤氣，噗一聲，想同佢閂埋電掣總掣都閂唔到，噗一聲，走夾唔唞啦！」同時大叫鄰居走火警。其間吳先生目睹起火單位的中年女住戶神色慌張，在梯間打電話求救，「我話你做乜唔報警呀，你喺度打電話打畀邊個，第一時間應該報警、通知隔離鄰舍嘛！」

消防正調查起火原因，初步懷疑雪櫃電線短路引起。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568