有「海鮮王」之稱嘅利物浦,近期表現非常對辦,已連贏3場。周中歐冠盃主場3:0輕取波爾多,已肯定晉身16強。
紅軍季初主場同作客嘅演出,直頭係判若兩隊:作客冇料到,英超至今仲未開齋,反而主場就4勝1和不敗,勝出率高達8成,上星期主場仲破埋維拉今季英超不敗之身。今場對手雷丁季初表現係唔錯,係3隊升班馬中最好嗰隊,可惜近期遇上地獄賽程,已經4連敗;喺聯賽盃作客3:4輸畀利記,事隔10日又再碰頭,利記喺聯賽盃只係以副選上陣,現時歐冠盃晉級,目標一定放番落英超。「紅軍」4場主場勝仗中,有3場係淨勝對手兩球,睇嚟今場都唔例外,可揀讓球主客和「主勝」。