【新增影片】
港鐵拍片呼籲乘客在車廂放下背囊，避免撞到他人，惟片中飾演背囊客的男子，展現一副目中無人的表情，刻意撞向乘客，動作誇張，遭大批網民批評失實，斥港鐵只抹黑和醜化背囊友，而不正視水貨客問題，更有人發動拖喼抗議，引發公關災難。《蘋果》節錄部分網民精警留言，供讀者參考。

【網民回應】
Ko Yiu：人多嗰陣時，點放低個背囊呀？同埋唔關放唔放低個背囊事囉，要教係人嘅質素。拖喼片你又唔拍，係都要拍埋啲畀人鬧嘅，叫你班膠層搭多啲地鐵線呀，尤其是金鐘及灣仔放工時段搭丫！（我是一個背囊友，我試過放低㗎，但係會畀人吱，咁你段片又唔講埋？）

Aaron Tong：繁忙時間逼到咁，叫人放低背囊用手拎？有無諗過人逼人嗰陣，放低背囊會kick到想落車嗰啲人？仲有，放低背囊，警覺性更加低，更加有利扒手！

Allan Yu：背囊撞到人，其實好多時係無心之失，點解要講到背囊友專登撞人、污名化背囊友呢？一路都覺值得提醒大家注意，但唔係用敵我矛盾方式囉

Vincent Or：地鐵唔該你拍片教育吓啲廢老、廢中、自私精先，叫佢哋唔好喺車廂內睇片，WeChat開到大大聲，兼且有一啲大媽在車廂內玩合唱練歌，都好影響別人㗎。背囊友有幾阻人呢？

Patrick Pin：港鐵成日做埋呢啲低智行為，上次就去管帶大型樂器，今次就去管背囊友，偏偏水貨客就唔敢去管！

Henry Ng：垃圾港鐵，欺善怕惡！

Tyas Cheng：只許大媽拖喼，不許港人孭袋

Kim Choy：識搭港鐵一定係拖喼！職員對你態度會好咗！霸嘅空間又會大咗！坐關愛座人哋又唔敢XX你！連係車上食杯面都唔會有人敢話你呀！