今日是元宵節，即是中國情人節，傳統上會吃湯圓。小蘋果一於大顯身手，炮製應節湯圓，不過主角並非湯圓，而是飾演笑好的湯盈盈姐姐，唔知跟得阿旺多的笑好姐姐，整湯圓會唔會都有一手呢？

記者：小肥鵝　
攝影：光頭哥哥　
鳴謝：廚藝新天地

「波子湯圓」多姿采

一般的湯圓也是白雪雪，感覺單調又沉悶，元宵佳節，應該要多姿多采，今日師傅便教大家整七彩繽紛的「波子湯圓」啦！波子湯圓之所以七彩繽紛，全靠用不同顏色的材料「染製」而成，好似有綠色的香蘭葉、紫色的紫心番薯、橙色的南瓜，全部都係天然材料，夠晒健康。

材料

粉糰：
糯米粉、水、染料

餡料：
朱古力豆、豆沙茸、吉士

天然染料

1先溝色

先將番薯、南瓜等天然色料壓碎成茸或取出汁液，分別混合於糯米粉及水中。將粉糰搓成不黏手為止，可用刮刀協助。

2加餡

在不同顏色的粉糰中各取出一小嚿，將之混合壓平，加入吉士、朱古力豆等喜愛的餡料。

3搓圓

將餡料用粉糰包好，用雙手打圈搓至圓形。

4完成

色彩繽紛的「波子湯圓」完成了，是否像波子棋呢？

滾完再滾

將波子湯圓放入熱水中煮至浮起，然後加入凍水，再煮至浮起即可。

加椰漿好味啲

食波子湯圓最好加椰漿，甜甜哋，好好味呀！