屯門新盤上源首批231伙低開，最平呎價不足1萬元，屬近2年新盤最平呎價。80後教師宋生認為上源是「上車係機會，因為價錢低，首期就少，容易啲上（車），但上咗車之後，係咪一個理想嘅生活環境就個擔心。其實講緊好多年輕人，搵單位搵樓，預計未來2個人有家庭，一房單位唔係太切合實際的需要。」

他略帶諷刺地說，「不過唔緊要呀，而家的樓愈來愈細，可能過幾年睇呢個單位係大單位黎。」而對他來說，該口價是「略貴」，「因為我需要，本身唔會考慮一房細單位。」

對於同日發售的新地（016）元朗PARK YOHO Napoli ，他想也不想就明言不會考慮，「有朋友租樓，佢地都話荒島咁樣，都無乜太多生活配套資源係度，講笑咁講，call的士，的士司機都麻麻地（接載），佢都諗緊仲有11個月都唔知點捱。」如果以投資角度來看，他說兩個新盤都不會選擇，「寧願揸現金。」

宋生指，早年斥200至300萬元買了天水圍柏慧豪園一個實用500餘呎的2房單位，但因為有小朋友所以地方都不太夠用。不過單位仍未供斷，「呢個年頭好難供斷，一般打工仔都好難供斷，層樓都要供一世。」

問到會否有換樓或投資的打算，他指，因為有家庭，都想換更大的單位，「有睇元朗錦繡花園，但呢幾個月都上升左3至4%，只可以望住佢上，打消左換樓念頭。」

至於投資方面，他說，都有打算投資，「但係咪呢個時候呢？」問到加息會否是影響入市因素之一，他指，「因為自己工作關係」，不構成影響，反而因為前景不明朗，「驚樓市跌5%，果個實際影響仲大。」問到會否為下一代着計劃置業，他抱起女兒說「唔會呀，佢都咁細個。」

記者 葉煜燊

全球樓行 Dream House零距離
https://hk.feature.appledaily.com/overseasproperty