當年今日
關於我們

【自爆底褲着穿窿】陳柏宇因封城冇得打高爾夫球 家中舉女兒當健身

蘋果日報 2020/03/28 22:30

環保陳柏宇健身武漢肺炎

陳柏宇今晚在中環出席「地球一小時」記者會,他坦言在內衣褲方面夠環保,穿了7、8年也不會掉,太太也未必知道已穿破:「因為係個底穿咗,佢睇唔到。」
見陳柏宇比之前健碩,他表示因為之前肥了,所以最近做健身操弗,提到政府現正實施「封城令」,娛樂場所包括健身室也要關閉14天,陳柏宇說:「所以今日下晝最後衝刺,把握時間去做運動。喺屋企舉起阿女當練習都唔得,佢太輕,得20磅。」而愛打哥爾夫球的他,覺得球場不開,反而令自己不會心思思想去練習:「大癮但唔好中招,而家唔使心思思要打波。」
在武漢肺炎疫情影響下,眾人少出街,慳不少錢,但早前他自爆電費要3,000多元,因每天工人姐姐和女兒也在家,太太亦多留家中,故此用多了電。
講到疫情影響到工作變少,問他可會多了時間有「造人」?陳柏宇坦言:「要造人唔使book時間,有計劃自然抽到時間實行,囡囡已1歲半,我哋係有計劃,都係預呢一年多以內,生仔或女冇所謂,如果生仔就可以儲齊一套。」現時疫情未見明朗,他不擔心健康安全,有信心到時再處理應變也可。
採訪:王連連
攝影:仇志德
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
陳柏宇今晚出席環保活動。
empty
他表示自己頗環保,自嘲底褲着到穿窿。
empty
陳柏宇表示有意再追一B,仔或女都可以。
empty
陳柏宇表示,沒法去健身室,會改在家中舉起囡囡當體能訓練。(IG圖片)