仙樂都（YoYo）、雪梨有份演出電影《極鬪4之暴殺令》噚晚喺尖沙嘴iSQUARE舉行首映，仙樂都好友趙哲妤、黃夏蕙同契女艾美琦專登嚟捧場。

YoYo喺電影中好多打場面，佢話拍嗰陣邊學邊打，好多時擋唔切拳腳，幸好冇受傷，仲自誇現時身手敏捷，全身都瘦咗，胸前冇乜負擔，連內衣都鬆晒，個cup細咗半cup……下刪一萬字。

咁《極鬪4》講咩嘅呢？反映社會家暴問題。YoYo話曾被一位暴躁男對待，當佢離開家門時，俾男方用門夾住佢半隻腳……報警啦！

趙哲妤想向電影方面發展，佢同楊峰稍後會推出一隻唱片，不過poster方面雙方意見不一，趙哲妤覺得自己樣子被執到V煞面、皮膚勁白，所以要重整：「我唔要仙女下凡，但至少要似番我個樣。」趙哲妤現時每月有幾次登台工作，不過目標非要做歌手而係賺奶粉錢，希望日後可以同囡囡一齊登台。

精選娛聞，喺晒《娛果》
http://fb.com/appledailyent