KBS人氣劇《太陽的後裔》噚晚播出第8集，收視再創新高，錄得28.8%收視，不過噚晚徐大英（陳久飾）有一場爆粗戲，引起觀眾爭議。

噚晚播出嘅劇情中，講到發電廠負責人陳永壽（趙在允飾）為咗尋找鑽石而唔理其他安全照挖建築物，當時因為時鎮正拯救緊生還者，情況好危險，對此大英就為此大感憤怒，更對永壽以韓文粗口（類似廣東話嘅仆街）破口大罵，。雖然唔少觀眾就睇得大快人心，但有網民就鬧爆劇組剪輯唔夠謹慎，亦都有人擔心KBS有工作人員會受到處分。

事關KBS台屬國營電視台，一向比較保守。而今日KBS方面就回應：「徐大英喺發洩憤怒嘅過程中講咗粗口，呢個係劇情所需要嘅一部份。這部份並非剪輯有誤，我哋認為唔需要利用『嘩』嚟減輕徐大英嘅憤怒。這部份已經通過審批，所以唔會引起任何問題。亦希望大家多多考慮劇情嘅連貫性，並理解我哋嘅用意。」