嗰晚8點零鐘,戴冷帽嘅周國賢揸住佢部落地1年、價值40萬嘅凌志房車,載太太去到數碼港商場,當時佢停車喺路邊,戴cap帽同着長身T恤嘅周太就落車,一個人行入百佳超級市場買嘢食,甚少曝光嘅周太微微發福,腹部仲有些少隆起,見佢一入超市就行去擺朱古力嘅貨架,揀咗一袋約價21蚊嘅吉百利朱古力,跟住就即刻畀錢,行番上車會合老公齊返貝沙灣愛巢。
周太腰圓肚凸惹大肚疑雲,早幾日周國賢就透過所屬嘅華納唱片宣傳部否認太太懷孕,佢話:「我老婆唔係大肚,肥咗少少咋,咁要減肥啦!不過我個女都大啦,我都有意思追多個小朋友嘅。」