噚晚一個時裝品牌嘅活動喺中環蘭桂坊舉行，林德信、楊洛婷、CaraG同陳豪等等都有出席，唔知係唔係做咗爸爸，生活好幸福，陳豪肥咗唔少喎。

噚晚見到陳豪肥咗咁多，好似一隻灰熊咁，佢就話：「係肥咗少少，減緊喇，之前湊BB辛苦，所以慣咗食多嘢。」陳豪又話自己咁耐冇行騒，所以喺行嘅時候，就要諗點chok。咁到咁耐冇行騒，今次嘅酬勞會唔會好好，不過陳豪就話唔係睇錢。

講到無綫甘草演員關菁因心臟病發離世，陳豪就話覺得好突然，又話關菁對人好好，仲讚佢係一個好專業嘅藝人。

講到最近黃浩然患上「貝塞特氏症」，陳豪都有經朋友問候佢，知佢好硬淨：「我哋做藝人，好多時都要日夜癲倒，對個肝唔好，依家有咗BB之後，明白咗身體好嘅重要性，所以依家都會早啲瞓。」

另外林德信最近就同吳千語一齊拍《春青鬥》，嚟緊11月就會上映。而林德信不嬲都係一個瑜珈高手，嚟緊就計劃拍一個瑜珈特輯：「其實之前都有拍開，但係就未試過咁大型。」又話最近做咗兩首歌，不過就唔會出碟住，會先放上youtube。