當年今日
關於我們

李八方online︱林鄭明帶5局長訪京 周五轉廣州傾大灣區

蘋果日報 2020/11/02 18:05

李八方online林鄭月娥大灣區

特首林鄭月娥早前已經預告過,聽日會啟程訪問北京,希望有嘢返,擺入新一份《施政報告》搏吓加分。今日政府就出稿公佈林鄭初步行程,林鄭會喺聽日(3日)至周六(7日)訪問北京、廣州和深圳,隨行嘅一如佢早前公佈,包括運輸及房屋局局長陳帆、食物及衞生局局長陳肇始、創新及科技局局長薛永恒、政制及內地事務局局長曾國衞、財經事務及庫務局局長許正宇同行政長官辦公室主任陳國基。
林鄭聽日朝早主持行會後,下午經深圳去北京,喺北京期間會同相關部委舉行會議;至6號、即係星期五晚則會轉到廣州;翌日(7號)分別會喺廣州、深圳,同廣東省及深圳市領導會面,傾啲乜?嚟嚟去去咪又係點樣聯手推動粵港澳大灣區建設同深港合作,當晚返港。林鄭離港期間,政務司司長張建宗會署理行政長官職務。
八方之前都講過,林鄭在京嗰幾日,話唔定美國大選有初步結果,唔知會唔會喺京城,收到北京對美方嘅最新消息?
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁