當年今日
關於我們

701收料站:藝立再追風險大

蘋果日報 2003/01/25 00:00


比亞迪(1211)買車廠,搞到民企股大亂,連帶噚日TCL國際(1070)只因一份所記話Sell嘅報告,就將股價質低9.7%,收2.10元。
經紀陳話,證券行報告叫買叫賣其實好平常,如果唔係有比亞迪事件在前,所記呢份報告嘅威力,肯定冇咁大,成班芬佬變咗驚弓之鳥,有乜依郁即刻走唔切,有時基金股嘅波幅,真係可以同細價股冇乜分別。
講起細價股,經紀陳即刻笑笑口,原來早排佢買咗藝立媒體(8192),最近沽出獲利,十分和味。
藝立喺舊年11月以每股0.25元招股上市,一上市就勁升,但在12月一度回落至0.25元,不過好快就重拾升勢,重成日創新高。隻股噚日再升1.4%,收0.72元,繼續創新高。
經紀陳堅稱自己唔識班幕後炒家,只係知道隻股貨源甚乾,先至夠膽博一博,但就唔敢長揸。佢估計隻股有機會再升,只係風險頗大。
慕容小初