影響生計的還有住在北部紐卡素(Newcastle)勞先生,他從事外賣平台營業代表,每日工作是約見食肆老闆並游說他們加盟,「佢哋都冇生意,仲點敢擴展?我這兩星期以來都是食白果,上司已不斷向我施壓……而家最慘係公司仍要求我與客人面談,老實講我好驚(感染),唔知點算。」幸好所住城市的物資仍算充足,只是抗疫物資如口罩和洗手液與全國情況一樣十分稀缺,「在港家人有寄口罩畀我頂住,所以目前還可以保護自己。」
相對要為生計煩惱的勞先生,就讀倫敦大學學院(UCL)免疫學系最後學年的Lester同學則要準備畢業考試,「我冇打算過返香港,因為第一機票真係貴,二來我認為坐長途機實在太危險,第三是我覺得反正返香港都隔離,咁我不如留喺度自我隔離溫書,我覺得更能集中。」
Lester基本上足不出戶,只趁大學圖書館閉館前最後一天才來借閱所需課本,食糧及抗疫物資亦早有準備,「唔知係咪同我喺香港長大有關,但我是十分注意個人衞生,所以好早階段已經有存貨。」鎖國在即,Lester未有擔心,「我相信就算封都唔會封咁耐,亦同家人溝通好令佢哋唔使擔心,所以專心考好我個畢業試就得。」
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架