o依家喺大台播緊，由杜如風主持嘅《關西攻略二》，日前播出之後，被網民插爆。因為杜如風就去食一間拉麵，勁話個拉麵好難食，但都唔係重點，重點係食完之後，杜如風就將三隻筷子插喺拉麵上面，好似三支香咁，拜咗一拜先食，被網民插爆唔尊重日本文化，仲有日本留學生指杜如風影衰咗佢哋。

杜如風對於被網民插爆，佢就回覆《蘋果》：「我玩咋嘛，大家應該用一個輕鬆啲嘅心情去睇啦！Why so serious ！不嬲自己個節目都係娛人娛己啫，覚得好笑嘅人咪笑得開心啲囉！」