吳鎮宇今日去到觀塘分享早前復活節時同囝囝Feynman跟隨奥比斯到孟加拉作探訪，陪同小女孩接受白內障手術，探訪旅程結束後，Feynman向鎮宇表示印象最深是試戴手術後保護眼睛的藍色眼罩。

每次講到探訪，Feynman都非常雀躍兼捱得苦，鎮宇話：「佢坐長途車會驚嘔，上車前會問我拎定膠袋，同埋坐四、五個鐘頭車都唔會嗌辛苦。」見到探訪相片發現Feynman大隻不少，鎮宇笑指係水腫，原因當地天氣炎熱，不停飲汽水，又成日坐車少走動。另外Feynman對拍片及廣播好有興趣，更有意做YouTuber，不過鎮宇擔心仔仔會偷拍佢片段再放上網。