蘇偉賢馬房「珍珠寶」今晚（27日）服役首戰，角逐第四場四班1000米，配楊明綸排2檔，負123磅上陣。

驟眼睇「珍珠寶」呢個馬名，仲以為同馬主陳明榮的「珍珠旺」有關，但其實「珍珠寶」馬主是陳偉南、陳幼南與陳誠傑，乃「馬來」系馬主陳氏家族首度三代同堂聯名養馬，呢次搞搞新意思，用咗過去「馬來之珍」、「馬來之珠」、「馬來之寶」馬名最尾嗰個字，構成「珍珠寶」。

「珍珠寶」原本係「真漢子」馬主陳厚寶在澳洲擁有，佢哋大家潮州人，「架己冷」信得過，所以陳偉南等人向陳厚寶接手買入「珍珠寶」，亦是陳偉南孫仔陳誠傑首次養馬。

「珍珠寶」為其母第四胎，之前有兩胎已贏馬，取勝路程1100至1600米；其中同母姐姐ELLE LOU曾勝出七場頭馬，包括一場1600米三級賽，母系血統戰鬥力不俗，「珍珠寶」排2檔有一定冷機。