有女版阿Bob之稱嘅日本肥妹諧星渡邊直美，早前喺香港轉機去咗澳洲拍節目，佢今日就喺Instagram上載咗兩段短片，都係喺澳洲拍攝嘅，渡邊去咗林肯港一個動物園，同啲動物接觸，又玩牛又玩雀，點知佢玩乜都出現搞笑場面。

渡邊餵雀時，喺手上面放咗啲雀粟，好多雀仔飛埋佢度，企喺佢手上食嘢，佢仲好開心咁大叫：「好可愛！」點知突然有隻鸚鵡飛咗佢上佢個頭度，仲啄佢個頭！渡邊因為手上好多雀仔，佢又趕唔到隻鸚鵡，露出痛苦表情，動物園職員本來想救佢，用雀粟引開啲雀，但佢頭上隻鸚鵡死都唔走，渡邊仲留言問係咪當咗佢係阿媽，認真搞笑。

而另一條片渡邊去咗餵牛，但當佢摸下隻牛角時，隻牛好似唔老嚟，發牛脾氣，好大力咁fing一下個頭，渡邊又被嚇親。