郭可盈今日晏晝三點同佢細妹(郭可思)同埋女性朋友，一行四人現身銅鑼灣利園，佢揸住架七人車，車住三個朋友，一落車就衝去BVLGARI，喺個櫥窗到左望右望。

四個貴婦即刻變身「八婆仔」，有兩個朋友直程走埋入去睇嘢，不過十分鐘唔夠，好似搵唔到自己想要嘅嘢就出返嚟call車走。等車期間郭可盈用手機睇新聞，大叫﹕「嘩！乜咁樣撞車都得呀？」然後幾個「八婆仔」又再圍埋一齊睇八卦下，過咗陣就上車閃人。