今日大家有冇去浸吓龍舟水呢？今日赤柱就舉行咗一個音樂節，現場氣氛都好熱烈0架，Kolor同SupperMoment今日都有到場表演。

大會主題係著拖鞋，所以今日大家都著晒拖鞋到場表演，Kolor仲話多啲呢種戶外騷對香港樂壇發展都幾好0架。已經簽咗梁榮駿公司嘅佢哋話，6月頭就會派新歌，亦會準備出EP，又話希望年底會開到音樂會咁話。

至於SupperMoment就第一次喺赤柱表演，佢哋話今年係公司5周年，所以會同埋公司旗下總共4隊樂隊一齊表演，當中除咗佢哋仲有觸執毛同埋廣州仲有日本代表。佢哋話好開心可以同一班兄弟樂隊合作，雖然大家同門，不過一樣會暗中較勁喎。